Lajme
Numri më i ri albinfo.ch i kushtohet 17 Shkurtit dhe liberalizimit të vizave
Ky numër, duke përkuar me ditën e shënuar, 17 Shkurtin, krahas veshjes festive, në pjesën më të madhe të tij i kushtohet një teme: liberalizimit të vizave për Kosovën
Sot, në Ditën e pavarësisë së Kosovës, më 17 Shkurt, del nga shtypi numri më i ri i revistës Albinfo.ch, i pari për vitin 2024.
Ky numër, duke përkuar me ditën e shënuar, krahas veshjes festive, në pjesën më të madhe të tij i kushtohet një teme: liberalizimit të vizave për Kosovën. Fokusimi mbi këtë temë vjen në mënyrë të natyrshme, si pasqyrim medial i një akti të pritur shumë gjatë nga qytetarët e Kosovës: vendimit të përmendur të BE-së. Një vendimi, pra, që më në fund kosovarët të lirohen nga një atavizëm dhe absurditet dhe, mbi të gjitha, një padrejtësi, të cilës i ishte nënshtruar, pamundësia për të lëvizur të lirë, si të gjithë evropianët.
Kësaj teme, redaksia e Albinfo.ch i ka kushtuar editorialin, artikuj informativë mbi kronologjinë e procesit të liberalizimit të vizave dhe anketimin e një numri të madh personalitetesh nga diaspora shqiptare, po në lidhje me liberalizimin.
Veprimtarë shoqërorë, politik, artistë, krijues të fushave të ndryshme, sportistë etj., shpalosin qëndrimet e tyre në lidhje me liberalizimin, që së bashku lidhen në një pikë: kritikën drejtuar instancave vendimmarrëse për vonesën e pashembullt dhe, në urimin që liberalizimi, megjithatë ndodhi.
Ky numër i revistës përmban edhe tema të tjera si dhe portrete personalitetesh nga kultura, artet, sporti, biznesi, etj., duke pasqyruar kështu larushinë e realitetit të diasporës shqiptare, në Zvicër e më gjerë.
Në ballinën e revistës është vendosur portreti i xhudistes së famshme, Majlinda Kelmendi. Sportistja shqiptare nga Kosova, me sukseset e saj sportive prej kohësh është shndërruar në një ambasadore të denjë të shtetit më të ri në Evropë dhe paraqet tashmë një simbol për vitalitetin dhe pathyeshmërinë e shtetit që përfaqëson, Kosovës.
Redaksia e platformës informative Albinfo.ch uron të gjithë lexuesit e saj: Gëzuar, 17 Shkurtin Ditën e Pavarësisë së Kosovës!
E-Diaspora
-
Çikago: Pianistja Anila Aliu, me koncert recital Pianistja Anila Aliu do të paraqitet me një koncert recital në Chicago të SHBA-së, përcjell albinfo.ch....
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?