E-Diaspora
Numri më i ri i magazinës albinfo.ch, në duart e lexuesve
Ky numër i magazinës ka bërë përpjekje që të ofrojë materje për lexim, që shkon përtej koronavirusit, ndonëse ka qenë e pamundur që të shmanget në tërësi kjo temë kaq preokupuese në mbarë globin
Duke filluar nga sot, magazina albinfo.ch, pas një pauze verore prej dy muajsh, sërish është në duart e lexuesve të saj në Zvicër e më gjerë. Numri i pestë për këtë vit, ndryshe nga numrat pararendës, nuk ka ndonjë bllok të caktuar tematik por vjen me një larushi temash, që, megjithatë lidhen rreth një “strumbullari”, pra rreth diasporës.
Shpresat, ndonëse të zbehta, se me kalimin e verës do t`i afroheshim një jete pa koronavirus, dolën, mjerisht edhe kësaj here, vetëm shpresa. Virusi na e përcaktoi edhe verën që shkoi, prandaj dhe në editorialin tonë e kemi quajtur “një verë të djegur”, stinën që posa kaloi.
Por, nuk është gjithçka kaq e zymtë, siç mund të duket, përkundër pandemisë. Ky numër i magazinës ka bërë përpjekje që të ofrojë materje për lexim, që shkon përtej koronavirusit, ndonëse ka qenë e pamundur që të shmanget në tërësi kjo temë kaq preokupuese në mbarë globin.
Kështu, krahas disa teksteve që bëjnë fjalë për pandeminë dhe lidhen me diasporën, lexuesit tanë kësaj radhe mund të lexojnë një intervistë të gjerë me këngëtarin tashmë të famshëm Gjon Muharremaj (Gjon`s Tears).
Në këtë intervistë, ylli më i ri i skenës muzikore zvicerane-shqiptare bën fjalë për Eurovizionin, identitetin, pyetjet pa përgjigje, jetën në Mars… ! Një intervistë mjaft interesante e përfaqësuesit të Zvicrës në Eurovizionin (që u shty), të cilën ja vlen ta lexoni.
Edhe në këtë numër, albinfo.ch në versionin e saj të shtypur prezanton aspekte të ndryshme të jetës në diasporë e më gjerë, përfshirë portrete mjekësh, sportistësh, modelistësh, afaristësh etj.
Magazina mund të gjendet, falas, në (pothuajse) të gjitgha ambientet ku frekuentojnë shqiptarët, në Zvicër.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?