OBSH: Covid-19 mund të mos zhduket kurrë

Organizata Botërore e Shëndetësisë ka paralajmëruar se koronavirusi “mund të mos zhduket kurrë”

Drejtori për Emergjenca në OBSH, Mike Ryan ka bërë paralajmërime se kur mund të zhduket virusi.

Ai në një konferencë për media tha se edhe nëse gjendet vaksina, kontrollimi i virusit do të kërkojë “përpjekje masive”.

Gati 300,000 persona në gjithë botën është raportuar të kenë vdekur me koronavirus, derisa më shumë se 4.3 milionë persona janë infektuar nga ai.

Po ashtu në gjithë botën ekonomia është goditur rëndë, miliona punëtorë kanë humbur vendet e tyre të punës si pasojë e izolimit nga pandemia e koronavirusit, përcjell Albinfo.ch