Lajme

Olimpistja bjelloruse nuk pranon të kthehet në shtëpi, kërkon azil në Austri

Një atlete olimpike bjelloruse u dërgua në aeroport në Tokio për të fluturuar në shtëpi pasi u ankua publikisht për ekipin kombëtar.

Krystsina Tsimanouskaya do të konkurronte në garën 200 metra të femrave të hënën.

Por ajo i tha Reuters se të dielën stafi i saj erdhi në dhomën ku po qëndronte ajo dhe i thanë që ta bënte valixhen gati, para se të dërgohej në aeroport.

“Unë nuk do të kthehem në Bjellorusi”, tha Tsimanouskaya.

Ajo më parë kishte pohuar në një video në Instagram se mori pjesë në garën e stafetës 400 metra këtë të enjte në një njoftim të shkurtër nga zyrtarët bjellorusë, pasi disa pjesëtarë të ekipit u zbuluan se ishin të papërshtatshëm për të garuar.

Sprinterja ka thënë se ajo u hoq nga ekipi sepse “fola në Instagramin tim për neglizhencën e trajnerëve tanë”.

Ekipi Olimpik i Bjellorusisë megjithatë njoftoi më vonë se ajo u hoq nga skuadra për shkak të “gjendjes së saj emocionale dhe psikologjike” dhe nuk do të konkurronte as në garën 200 metra e as në stafetën 400 metra.

Ajo tani është në aeroportin Haneda të Tokios me policinë japoneze dhe, sipas gazetarit bjellorus, Tadeusz Giczan, dëshiron të aplikojë për azil në Austri.

 


LAJME INTERESANTE NGA INTERNETI