Lajme
Olti Hyseni, 16-vjeçari shqiptar që po mahnit Danimarkën
Futbollisti shqiptar, Olti Hyseni, 16-vjeçar, po mahnit lidhur me teknikën e lojës që ai bën në këtë sezon në Danimarkë, përcjell albinfo.ch.
Ai ka mohuar në mënyrë kategorike se në të ardhmen mund ta veshë fanellën e Përfaqësueses së Kosovës në futboll.
Hyseni ka prindër nga Kosova. Por është lindur e rritur në Danimarkë.
Megjithatë, anësori i majtë që debutoi sivjet në kategorinë e dytë të futbollit danez me Sonderjysken, ka thënë se e ndjen veten më shumë danez.
“Nëna ime erdhi në Danimarkë në vitin 1999. Babai im nuk kishte nënshtetësi daneze dhe nuk u lejua të qëndronte. Në vitin 2007 mori lejen e qëndrimit dhe erdhi në Danimarkë, një ditë para se të lindja unë”, ka thënë Hyseni në një intervistë për “Der Nordschleswiger”.
“Kam ndjesinë se ka pak Kosovë në mua, po jam më danez. Unë kam lindur dhe jam rritur këtu dhe të luaj për Kosovën, nuk është pjesë e konsideratës sime. Ndihem danez, dhe Danimarka ka gjithashtu kombëtaren më të mirë”, ka thënë golashënuesi më i ri në historinë e Sonderjysket.
Para një viti, Hyseni, asokohe 15-vjeçar, nënshkroi kontratë trevjeçare me Sonderjysken. Debutoi sivjet. Ka luajtur në gjashtë ndeshje, ku ka shënuar dy gola dhe një asistim. Sonderjyske është në rrugë të mirë për t’u ngjitur në elitën daneze sezonin e ri.
Hyseni ka katër ndeshje me Danimarkën U16 dhe tre me U17.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse