Lajme
Orë letrare dhe ekspozitë në Kapfenberg të Austrisë, në kuadër të festave të nëntorit
Të vërshuar nga shumë qytete të Austrisë, përfaqësues shoqatash dhe dashamirë të artit u bashkuan duke i dhënë një ngjyrë tejet profesionale këtij organizimi, njofton albinfo.at
Në një sallë të rregulluar për mrekulli, me një skenografi të veçantë, duket se aktivistët e shoqatës “Internacionale” në krye me Naim Sadikun dhe Vehbi Halitin tashmë i kanë specializuar organizimet e orëve letrare dhe ekspozitave. Salla në mes të qytetit të vjetër ishte bërë pikëtakim i poetëve dhe dashamirëseve të fjalës së shkruar artistike. Të vërshuar nga shumë qytete të Austrisë, përfaqësues shoqatash dhe dashamirë të artit u bashkuan duke i dhënë një ngjyrë tejet profesionale këtij organizimi, ku ishin ideuar që nga skena e deri te muzika shqipe.
Që takimet e tilla në Kapfenberg bëhen gjithmonë ndryshe, kjo u pa edhe nga moderimi jo i zakontë i Vehbi Halitit, i cili paraqitjet kësaj radhe i bëri më spontane me një fjalor afërsie për të pranishmit dhe herë-herë me thënie të njohura filozofike që lidheshin me shkrimtarët, raporton albinfo.at.
Në emër të Krijuesve dhe Shkrimtarëve Shqiptarë në Austri foli z. Anton Marku, ku theksoi veprimtarinë e kësaj shoqate ndër vite.
Violeta Allmuca foli për promovimin e librit të botuar nga Hazir Mehmetit me titull “Aktivitete letrare në Austri”, librin e Angjelina Markut “Shtyje Hënën”, të Kimete Zahiti – Ternava “Kthehu nga Drita”, të Ramiz Selimit “Rrënjët e kujtesës”, të Anton Markut “Nga një kohë në tjetrën”, ndërsa Kimete Krasniqi foli për librin e vet “Dashuria e Nënës”. Pas promovimit, autorët lexuan nga dy poezi dhe tregime të shkurtra.
Më pas u hap ekspozita nga artisti Haxhi Fejzullahu, i cili kishte përgatitur enkas për festat e nëntorit një kolazh me punime “Vetëm shqip”, me tema nga shqiponja në forma dhe mënyra të ndryshme, të cilat u pritën shumë mirë nga publiku.
Këshilli Koordinues i Shoqatave në Steiermark, në krye me Valton Halimin dhe Fatmir Osmanin, u shpërndan mirënjohje artistëve, të cilët kishin marrë më shumë se një herë pjesë në aktivitete të ndryshme në Steiermark. Ky aktivitet u ndoq edhe nga artisti i instrumenteve frymore, z.Isuf Tershana, me kavall, me disa melodi të zgjedhura për këtë aktivitet. Organizatori ishte kujdesur edhe për një bufe të pasur me ushqime dhe pije. Në fund të themi se përveç këtij organizimi në Steiermark, për festat e nëntorit janë planifikuar edhe koncerte dhe aktivitete të ndryshme sportive, duke treguar se ky regjion në Austri si çdo vit, ka aktivitete të ngjeshura kulturore.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën