Kosova
Osmani e Kurti takojnë sot përfaqësuesit e PDK-së dhe AAK-së
Vjosa Osmani, ushtruese e detyrës së presidentit, dhe kryetarit të Lëvizjes Vetëvendosje, Albin Kurti, kanë caktuar për sot mbajtjen e takimeve me partitë politike me qëllim të konsultimit për konstituimin e institucioneve të reja të Kosovës, të dala pas zgjedhjeve të 14 shkurtit.
Ditë më parë partive politike iu ka shkuar ftesa për takim nga Osmani e Kurti, e të cilës ftesë Partia Demokratike e Kosovës (PDK) e udhëhequr nga Enver Hoxhaj dhe Aleanca për Ardhmërinë e Kosovës (AAK), Ramush Haradinaj, i janë përgjigjur pozitivisht. Po ashtu ftesa iu është bërë edhe partive të komuniteteve.
Takimi i Osmanit e Kurtit me Hoxhaj do të mbahet në orën 11:00, ndërsa me Haradinajn do të mbahet në orën 13:30.
Ndërsa, kryetari i zgjedhur i LDK-së, Lumir Abdixhiku, pas përfundimit të procesit zgjedhor ka njoftuar se nuk do të mund të shkojë për sot në takimin e ftuar nga kryetari i LVV-së, Albin Kurti dhe u.d. e presidentes, Vjosa Osmani, për të diskutuar për konstituimin e institucioneve të vendit.
Abdixhiku ka thënë se ka të pamundur pjesëmarrjen në takim, ndërkaq ka propozuar që ky takim të zhvillohet të premten.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit