Pa karantinë, qytetarët e Maqedonisë do të mund të udhëtojnë në Danimarkë

Foto Ilustrim facebook

Qytetarët e Maqedonisë do të mund të udhëtojnë në Danimarkë pa shkuar në karantinë dhe pa testime të dyfishta për coronavirus.

Ministria e Danimarkës për Punë të Jashtme njoftoi se vendet nga lista e portokalltë për rrezik nga coronavirusi, siç janë Maqedonia e Veriut, Shqipëria, Libani dhe Serbia, janë dërguar në listën e verdhë pas vendimit të Institutit të Danimarkës për Parandalim dhe Kontroll të Sëmundjeve Ngjitëse.

Për shtetet në listën e verdhë, mbetet kushti për t’u testuar para se të hyjnë në vend.

Danimarka po ashtu shtoi edhe disa vende në listën e verdhë, si Greqia, Spanja, Franca dhe Zvicra.