Integrimi
Pa pasaporta, nuk mund të kthehen në Shqipëri
Ata me rastin e kërkesës për azil, kanë dorëzuar në Munih dokumentet e udhëtimit, por deri më tash zyrtarët e këtij institucioni nuk po arrijnë t`i gjejnë ato
Hamza dhe Marinela Hasati si dhe djali i tyre, Ilioni tre vjeçar shpresojnë për një të ardhme në Gjermani. Si shqiptarë, ata nuk kanë asnjë shans për të fituar të drejtën e azilit. Por as në vendlindjen e tyre gjatë kësaj kohe nuk mund të kthehen. Prej më shumë se dy muajsh ata presin që t`u kthehen pasaportat.
Hamza, Marinela dhe djali i tyre tre vjeçar Ilioni dëshirojnë vullnetarisht të kthehen në Shqipëri. Por, kjo nuk është e mundshme. Jo për shkak të tyre por për shkak të mungesës pasaportave të tyre.
Pas aplikimit për azil të familjes Hasati në qytetin e Donauerschingenit të Gjermanisë, ata shpejtë e kuptuan se Shqipëria është shpallur vend i sigurt dhe gjasat për të fituar të drejtën e azilit janë pothuajse të barabarta me zero. Marinela e cila me profesion është motër medicinale dhe Hamza si një punëtor krahu i pakualifikuar, kishin biseduar edhe me këshilltaren e qendrës së pranimit Martina Wiemer e cila ishte konsultuar edhe më një avokat se cila është zgjidhja më e mirë për këtë familje.
Largimin nga Shqipëria kjo familje e kishte bërë për shkak të korrupsionit dhe kriminalitetit të madh. Avokati i kishte sugjeruar që familja të kthehet vullnetarisht në Shqipëri dhe prej atje në Ambasadën e Gjermanisë Marinela të aplikojë për një leje qëndrimi për të punuar si motër medicinale. “Të dy kanë vendosur menjëherë dhe kanë planifikuar kthimin e tyre” thotë Wiemer, shkruan badische-zeitung.de, përcjell “albinfo.ch”.
Kjo ka qenë që nga fillimi i tetorit. Edhe pse të dy të ulur në valixhet e tyre dhe po presin kthimin, ata ende qëndrojnë në Gjermani në një qendër strehimi në Leutkirch. Arsyeja: Ata me rastin e kërkesës për azil, kanë dorëzuar në Munih dokumentet e udhëtimit, por deri më tash zyrtarët e këtij institucioni nuk po arrijnë t`i gjejnë ato. Ata do të rrinë në Gjermani me shpenzimet e shtetit deri sa të marrin dokumentet e udhëtimit.
Të ngjashme
Të tjera nga Integrimi
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen