Parabugim të dyshuarve për përgatitje të veprave terroriste në Kosovë

Tre personave të dyshuar për pergatitje të veprave terroriste në Kosovë iu është caktuar masa e paraburgimit prej 30 ditësh.

Prokuroria Speciale e Republikës së Kosovës, ka nxjerrë aktvendim për ndalimin e tre personave të dyshuar R.K. dhe  A.D. nga Prizreni, ndërkaq, L.M., nga Skenderaj, ka njoftuar gjatë ditës së sotme  Prokuroria e Shtetit.

Prokuroria ka kërkuar paraburgimin e tre të dyshuarve të arrestuar për terrorizëm.

Gjatë ditës së sotme është mbajtur seanca në lidhje me caktimin e masës së sigurisë ndaj të dyshuarve.

Gjyqtari i procedurës paraprake ka njoftuar se ndaj të njëjtëve është caktuar masa e paraburgimit për 30 ditë, në lidhje me veprën penale, parapërgatitje për vepra penale.