Kosova
Parakalon edhe ekipi Olimpik i Kosovës
Kanë nisur Lojërat Olimpike “Tokio 2020” edhe zyrtarisht, me ceremoninë hapëse që po mbahet në stadiumin olimpik të Tokios, përcjell albinfo.ch.
Edhe ekipi olimpik i Kosovës, i përbërë prej rreth 15 personave, ka parakaluar në ceremoninë hapëse të Lojërave Olimpike që po mbahet në stadiumin olimpik të Tokios.
Gjatë parakalimit, u pa presidentja e vendit, Vjosa Osmani, duke i përshëndetur sportistët.
Medalistja e artë olimpike, Malinda Kelmendi, dhe Akil Gjakova, ishin bartës të flamurit të Kosovës. Kosova në këto Lojëra do të prezantohet me 11 sportistë, ku gjashtë prej tyre janë kualifikuar me normë olimpike, derisa pesë të tjerë kanë udhëtuar me ftesa. Për Kosovën, kjo është hera e dytë që paraqitet në ngjarjen më të madhe shumësportëshe pas debutimit në vitin 2016, ku Kelmendi e fitoi medaljen e artë.
Xhudistja Distria Krasniqi do të jetë sportistja e parë nga Kosova, që do t’i nisë garat në Lojërat Olimpike. Ajo të shtunën do të garojë në kategorinë deri në 48 kilogramë. Në xhiron e parë do të jetë e lirë, kurse në të dytën do të ndeshet me fituesen e meçit ndërmjet Harriet Bonfacet nga Malawi dhe Gabriela Chibanas së Brazilit.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën