Shkurt.ch
Pas kapjes së kosovarit që kishte “ndihmuar” në provimin e autoshkollës, vihet detektori
Në Solothurn, një kosovar kishte ndihmuar rreth 20 persona për ta kaluar provimin teorik. Këtë e kishte bërë duke pajisur kandidatët me mikro kufje dhe minikamera
Zyra e Cyrihut për trafikun rrugor (Strassenverkehrsamt) nga shkurti i këtij viti ka vendosur detektorë në sallat ku mbahen provimet teorike të autoshkollës. Detektori identifikon telefonët mobilë dhe në këtë mënyrë i zbulon mashtruesit e mundshëm, shkruan sda.ch.
Udhëheqësit e kësaj zyre kanë marrë vendimin për të instaluar detektorin në fjalë pas rastit që është publikuar në shtator të këtij viti në Solothurn (i cili ka ndodhur më herët), transmeton albinfo.ch. Atje, një kosovar i moshës 41 vjeçare u kishte ndihmuar rreth 20 personave për ta kaluar provimin teorik. Këtë e kishte bërë duke pajisur kandidatët me mikro kufje dhe minikamera. Përmes tyre ai ua ka përcjellë atyre përgjigjet e sakta për pyetjet e testit.
Zyra e Cyrihut ka pasur qysh më herët njohuri rreth këtij rasti dhe ka ndërmarrë masat përkatëse, thuhet në përgjigjen që ekzekutivi i Cyrihut i ka dhënë një pyetjeje të shtruar në Parlamentin e Kantonit.
“Edhe në Kantonin e Cyrihut në të kaluarën ka pasur informacione për përdorimin e mjeteve elektronike në raste të veçuara gjatë dhënies së provimit. Nga viti 2016 ,zyra ka zbuluar dy raste të tilla, transmeton albinfo.ch. Si rezultat është menduar nëse në sallë duhet të vendoset një pengues valësh por nuk e kemi bërë këtë për shkaqe juridike”.
Ndërsa, nga 1 shkurti 2017 Zyra e Kantonit të Cyrihut për trafikun rrugor ka vendsour, e para në Zvicër një detektor përkatës për telefonët mobilë, WiFi dhe Bluetuth”. Me fillimin e provimit, kandidiatët informohen për ekzistimin në sallë të kësaj aparature të quajtur “Sweeper”. Prej atëherë nuk është konstatuar asnjë përpjekje për mashtrim elektronik që domethënë se njoftimi për këtë është përhapur dhe sigurisht ka pasur efekt parandalues, përcjell albinfo.ch. Po ashtu me rastin e provimeve, kandidatët kontrollohen më hollësisht, sidomos pjesët e veshmbathjes që bien më shumë në sy dhe syzet. Edhe sjellja e kandidatëve gjatë provimit vëzhgohet, kur bien në sy veprime jo të zakonshme.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Bashmëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale