Lajme
Pas pandemisë, më shumë se një e treta e zviceranëve raportojnë shëndet të dobët
Ndonëse pandemia ka kaluar, zviceranët nuk janë në gjendjen më të mirë shëndetësore: sipas një studimi për kompaninë e sigurimeve CSS Group, 34% e njerëzve në Zvicër thonë se ndihen jo të shëndetshëm apo edhe të sëmurë, ndërsa tre vjet më parë shifra ishte 22%, shkruan swissinfo.
Në kategorinë mbi 65 vjeç, përkeqësimi është më i theksuari: 46% krahasuar me 30% në vitin 2020.
Studimi i kryer nga Sotomo, tregon se ditët e sëmundjes për të rriturit mbi 65 vjeç u rritën nga 2.6 në periudhën para pandemisë dhe gjatë pandemisë në 4.5 në 2023, pra më shumë se dyfish. Të moshuarit janë më rezistentët ndaj sëmundjeve mendore, por 39% e tyre nuk kërkojnë ndihmë profesionale kur kanë nevojë, përcjell albinfo.ch.
Simptomat më të shpeshta të raportuara janë lodhja dhe rraskapitja (68% e rasteve): nuk mund të përjashtohet që kjo e fundit të jetë e lidhur me një trashëgimi të Covid-it.
Dhimbja (48%), sëmundjet infektive (41%) dhe stresi (40%) vijojnë në listë. Shëndeti i dobët ndikon në cilësinë dhe sasinë e gjumit, si dhe në aktivitetet fizike dhe shoqërueshmërinë.
Shëndeti mendor është një sfidë e madhe për Zvicrën në vitin 2023: numri i njerëzve që e konsideronin veten me shëndet të mirë mendor ishte rreth tre nga katër dy vjet më parë, ndërsa në vitin 2023 është vetëm dy të tretat.
Anketa u bazua në përgjigjet e 2,432 personave të mbledhur midis 6 dhe 29 qershorit në tre rajonet kryesore gjuhësore.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n