Futboll

Për kë bëjnë tifo, Shqipërinë apo Kosovën?

Tifozët shprehen se përkrahin dy përfaqësueset në futboll dhe dëshirojnë të kenë suksese të dyja

Të rinjtë në Kosovë bëjnë tifozllëk për dy përfaqësuese të futbollit, për atë të Kosovës dhe atë të Shqipërisë.

Në rubrikën e përjavshme VOX të Radios Evropa e Lirë, disa nga këta të rinj, thonë se dy përfaqësueset kanë nevojë për mbështetjen e tifozëve nga të dyja vendet, përcjell albinfo.ch.

Siç theksojnë ata, deri në pranimin e Kosovës në FIFA, kanë mbështetur përfaqësuesen e Shqipërisë, por shumë pohojnë se tash e mbështesin më shumë atë të Kosovës.

“Për Kosovën bëj tifo më shumë, edhe si kombëtare e dua më tepër”, thotë studentja Donjeta Krasniqi.

“Shikoj dhe luaj futboll. Më shumë bëj tifo për kombëtaren e Kosovës”, thekson nxënësja Jehona Shala.

Ndërsa, studenti Ermal Mehmeti thotë se nuk mund t’i dallojë dy përfaqësueset, por se më shumë i rrah zemra për kombëtaren e Shqipërisë.