Shkurt.ch
Për mbrojtje më të mirë të femrave në prostitucion
Një qasje të tillë e ka rekomanduar një grup ekspertësh i ngritur nga Ministria Federale për çështje juridike dhe të policisë
Për femrat e punësuara në fushën e erotikës duhet të sigurohet mbrojtje më e mirë. Për tu arritur kjo duhen përmirësuar kushtet bazike, të cilat do të formulohen në kuadrin e një politike nacionale mbi punën në fushën e shërbimeve të seksit.
Një qasje të tillë e ka rekomanduar një grup ekspertësh i ngritur nga Ministria Federale për çështje juridike dhe të policisë.
Në një raport që është bërë publik më 24 mars, grupi i ekspertëve propozon masa të ndryshme, ndër të cilat është edhe heqja nga norma ligjore e pikës që parasheh shkeljen e moralit. Ndërkaq ndalimi i prostitucionit sipas modelit të Suedisë nuk merret në konsideratë nga grupi në fjalë.
Grupi i ekspertëve i udhëhequr nga ish qeveritarja e St. Gallenit, Kathrin Hilber në një qëndrim të shpallur ka theksuar se gratë e punësuara në fushën e shërbimeve të seksit i nënshtrohen rregullisht situatave të shfrytëzimit dhe ndodh shpesh që të punojnë në kushte të diskriminimit.
Ekspertët janë të mendimit se marrja e masave të caktuara duhet të rriten të drejtat e tyre në mënyrë specifike. Masat duhet të merren nga politika, administrata dhe organizata private. Për shkak të potencialit të madh të abuzimit, statusi i valltareve të kabareve duhet të avancohet.
Grupi i ekspertëve ka parashikuar disa pika veprimi për të përmirësuar mbrojtjen e punëtoreve të seksit. Ai ka propozuar 26 masa, mes të cilave edhe heqjen e klauzolës së moralit në kontratat për prostitucion.
Grupi kërkon koordinim në mes të federatës, kantoneve dhe aktorëve nga shoqëria civile në përmirësimin e kushteve të femrave nga kjo kategori.
(Komunikatë nga Zyra Federale për Migracion – BFM)
Të tjera nga Shkurt.ch
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse