Lajme
Për shkak të koronavirusit, ushtarëve në Tiçino u ndalohet dalja në qytet
Një masë e tillë është marrë për të shmangur mundësinë që pjesëtarët e ushtrisë të lëvizin pa nevojë në mesin e shoqërisë civile dhe për të ulur kështu rrezikun e përhapjes më të madhe të virusit
Ushtria zvicerane ka ndërmarrë masa në lidhje me përhapjen e koronavirusit në Kantonin jugor të vendit, që kufizohet me Italinë, në Ticino. Duke filluar nga sot, një ndalim dalje nga kazermat është urdhëruar për të gjithë pjesëtarët e ushtrisë në zonën e Tiçinos. Zëdhënësi i ushtrisë Daniel Reist e ka konfirmuar këtë vendim për “Blick”.
Një masë e tillë është marrë për të shmangur mundësinë që pjesëtarët e ushtrisë të lëvizin pa nevojë në mesin e shoqërisë civile dhe për të ulur kështu rrezikun e përhapjes më të madhe të virusit.
Ndryshe, mediat zvicerane sot kanë raportuar gjerësisht lidhur me ankesat që mjekët e kantonit të Tiçinos kanë në lidhje me “nënçmimin” që sipas tyre autoritetet qendrore po i bëjnë rrezikut nga koronavirusi, shkruan albinfo.ch. Sipas tyre, masat që BAG (Zyra Federale për Shëndetësi) ka marrë ditën e djeshme, nuk janë të mjaftueshme, pasi që gjendja në terren është më serioze se sa që e ka gjykuar BAG.
Mediat po ashtu shkruajnë se, si rezultat i alarmimit të qytetarëve për rrezikun nga koronavirusi, ka filluar boshatisja e rasteve të shitoreve zvicerane. Po ashtu ka mungesë pothuajse të plotë të mjeteve dezinfektuese të lëngshme në barnatore, konstaton albinfo.ch. Qytetarët kanë blerë me shumicë artikuj të tillë, për t`i përdorur si masë mbrojtëse kundër infektimit me virusun e rrezikshëm.
Të ngjashme
Të tjera nga Lajme
E-Diaspora
-
Nga 1 maji, filmi kosovar-zviceran “The Land within”, në kinematë e Zvicrës Duke filluar nga 1 maji, filmi i Fisnik Maxvile (Maxhuni) mund të shihet në kinematë e...
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
-
Hannover
Hannover: Biznesmenët e Diasporës do të takohen me Kurtin
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike