Përdorimi i uraniumit rus për energjinë bërthamore zvicerane, nën vëzhgim

Keystone (AP Photo/Darko Vojinovic)

Firma bërthamore shtetërore ruse “Rosatom” ndihmon me karburant dy termocentrale bërthamore në Zvicër. Kjo lidhje tregtare tani është nën vëzhgim, pasi bota perëndimore ushtron presion financiar mbi Rusinë për të ndaluar agresionin e saj kundër Ukrainës, përcjell albinfo.ch.

Kompania zvicerane e energjisë elektrike “Axpo” blen karburant nga Rosatom për të operuar termocentralet bërthamore Beznau dhe Leibstadt në kantonin Aargau. Në një deklaratë të botuar të enjten, OJQ mjedisore Greenpeace u kërkoi autoriteteve të shtatë kantoneve zvicerane – të cilat zotërojnë Axpo – të ndalojnë blerjen e uraniumit nga Rosatom.

Kjo marrëdhënie tregtare, argumentoi OJQ-ja, ndihmon në financimin e përpjekjeve luftarake të Rusisë në Ukrainë. Kompania konkurrente Alpiq, e cila drejton vendndodhjen bërthamore të Gösgen, ndaloi burimet nga Rusia në vitin 2016.

“Nëse keni një furnizues të dëshmuar që ofron cilësinë që ju nevojitet – për arsye sigurie dhe cilësie – atëherë nuk ndryshoni aq lehtë”, tha për publikun zviceran Willibald Kohlpaintner, kreu i divizionit të energjisë bërthamore të Axpo dhe anëtar i bordit drejtues.

Axpo planifikon të respektojë kontratat e saj aktuale me Rosatom, shtoi Kohlpaintner, por nuk do të nënshkruajë të reja, përcjell tutje albinfo.ch.

LAJME INTERESANTE NGA INTERNETI