Përfundoi samiti Bërdo-Brioni në Shkup

Në samitin e Bërdo-Brioni morën pjesë shtatë presidentë dhe një kryeministër nga vendet e Ballkanit Perëndimor, informon albinfo.ch.

Samiti i njohur si ”Procesi Bërdo-Brijoni” që u organizua në Shkup ka përfunduar. Aty morën pjesë shtatë presidentë dhe një kryeministër nga vendet e Ballkanit Perëndimor duke sjellë edhe blindimin e Shkupit: Presidentja kroate Kolinda Grabar – Kitaroviq; Borut Pahor i Sllovenisë; Aleksandar Vuçiq i Serbisë; Ilir Meta i Shqipërisë; Filip Vujanoviq i Malit të Zi; Hashim Thaçi i Kosovës si dhe kryesuesi i presidencës së Bosnjës Bakir Izetbegoviq.

Në takim ishte prezent edhe shefi i KE, Donald Tusk. Liderët u pajtuan që të mbështesin procesin e integrimit të Ballkanit Perëndimor si një trup i vetëm dhe të shkojnë së bashku në familjen e madhe evropiane. Ata një zëri u zotuan se do te forcojnë dhe do te shtojnë projektet e përbashkëta për reformat në gjyqësor, administratë, rritja e ekonomike dhe në të drejtat e njeriut. Liderët e Ballkanit Perëndimor gjithashtu u zotuan se do të ndihmojnë në reformat e vendeve respektive por nuk nuk do të përzihen ne punët e brendshme të njeri-tjetrit.

Për vitin e ardhshëm u ra dakord që vitin që vjen ta udhëheq Shqipëria këtë samit. Ne konferencën e përbashkët për shtyp foli dhe nikoqiri i samitit, Presidenti Ivanov.

Ndërsa në fjalën e tij, Presidenti Meta vlerësoi ndër të tjera se, së bashku kemi shfrytëzuar çdo moment për t’u angazhuar në një dialog të drejtpërdrejtë, megjithëqë jo gjithmonë kemi rënë dakord.