Integrimi
Përparim Avdili në “Top 5” të FDP-së në zgjedhjet për Parlamentin e Cyrihut
“Duke qenë në top 5 dhe si kryetar dege i FDP-së, kësaj radhe gjasat janë më të mira që të futem drejtpërdrejt në kuvend”, thotë për albinfo.ch Përparim Avdili.
FDP e qarkut të 9 të Cyrihut ka nominuar kandidatët nga ky qark për zgjedhjet që do të mbahen më 4 mars 2018 për Kuvendin (Asamblenë) e Qytetit të Cyrihut. Pos dy këshilltarëve të deritashëm, Albert Leiser dhe Marcel Müller, në listë janë edhe 14 kandidatë tjerë. Por, dega e liberalëve të këtij qarku, ka përzgjedhur në këtë mes edhe “top pesëshin” e kandidatëve më të favorizuar. Në mesin e tyre, me një bazë të mirë startimi është edhe Përparim Avdili, i cili kohë më parë qe zgjedhur kryetar i FDP-së për këtë qark (albinfo.ch ka informuar)
“Duke qenë në top 5 dhe si kryetar dege, kësaj radhe gjasat janë më të mira që të futem drejtpërdrejt në kuvend”, thotë për albinfo.ch Përparim Avdili.
Ndonëse deri në zgjedhje ka mjaft kohë, FDP 9 e fillon fushatën qysh këto ditë. Të premten, më 30 qershor faqja në internet e kësaj partie nis të bëjë fushatë me dizajn të ri për një politikë liberale në Cyrih.
Politikani 29 vjeçar punon në sektorin bankar. I lindur në Llojan të Kumanovës, Përparimi është rritur në Altstetten (Cyrih), që bën pjesë në qarkun e 9-të të Cyrihut.
Në vitin 2015 ai ka kandiduar për deputet në Parlamentin e Kantonit të Cyrihut, me ç`rast ka arritur të jetë zëvendësimi i parë i deputetit të zgjedhur në qarkun zgjedhor II.
Politikisht Avdili angazhohet për Cyrihun si një qendër të fortë ekonomike dhe po ashtu për një politikë liberale dhe largpamëse migracioni.
Përveç si politikan i FDP-së, Përparim Avdili është mjaft i njohur edhe për angazhimet e tij në komunitetin shqiptar të Cyrihut dhe të gjithë Zvicrës. Ai merr pjesë në shumë aktivitete që organizojnë shqiptarët e këtushëm dhe është aktiv në mjaft nisma dhe projekte që kanë të bëjnë me migracionin.
albinfo.ch ka përcjellë paraqitjen edhe ngritjen e Avdilit në skenën politike të Cyrihut dhe në aktivitetet tjera të tij, që nga fillimi përmes intervistave dhe deklaratave që ka marrë nga ai.
Të tjera nga Integrimi
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Policia e Thurgau-ut, me apel interesant Policia në kantonin Thurgau ka nisur një apel për këdo që iu ka vjedhur bizhuteri dhe...
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore
-
Sasi rekord bore në Säntis