E-Diaspora
Përse vrasësi i Elidës po shëtitet i lirë ?!
Tashmë një vit, të afërmit e Elida Osmanit së ndjerë (19), janë duke kaluar nëpër ferr. Jo vetëm sepse vajza e tyre e dashur u godit për vdekje në një kryqëzim në Lenzburg AG, por edhe për shkak se vozitësi 80-vjeçar ende nuk është akuzuar, shkruajnë mediat zvicerane, përcjell Albinfo.ch.
Rrafsh një vit më parë, një aksident i tmerrshëm kishte ndodhur në Lenzburg AG. Elida Osmani (19) u godit për vdekje në një vendkalim për këmbësorë. Elida nuk i mbijetoi aksidentit dhe ndërroi jetë në vendngjarje. Mbi timonin e veturës ishte dentisti tetëdhjetëvjeçar zviceran K. S. Më vonë u konstatua: Praktikantja shqiptare e Migros-it ishte përplasur aq fortë sa që ishte shtyrë 17 metra nëpër ajër, duke mos u mbijetuar lëndimeve të rënda në kokë, shkruan “Blick”, informon Albinfo.ch.
Por, deri më sot nuk është ngritur asnjë akuzë kundër K. S. “Për ne të afërmit, kjo është e pakuptueshme. Duam që kjo të realizohet më në fund”, deklaron kushëriri i Elidës, Bedri Asani (35). Pasi: “Faktet janë të qarta.”
Siç kanë dëshmuar hulumtimet e “Blick”, K. S. ka ngarë veturën pa patentë shoferi. Dhe: Ai është dashur ta dorëzojë patentin e tij për njëmuaj, pas një delikti të shkallës së mesm eqë e kishte kryer në vitin 2010.
Por K. S. mbetet i pamposhtur: Në vitin 2011, ai ishte hetuar me një shpejtësi prej 80 km/h në zonën e vendbanimit. Megjithëse luftoi kundër tërheqjes së sërishme të patentë shoferit nga të gjitha instancat, ai nuk arriti sukses, transmeton më tej Albinfo.ch.
Deri në ditën e kobshme të nëntorit, një vit më parë, kur ai e dogiti për vdekje Elidën. Fakti që pas aksidentit ai policisë i tregoi një patentë shoferi jo të vlefshme, “ishte kulminacioni”, thotë Bedriu. Ai është i vetëdijshëm: “Prindërit e Elidës janë duke vuajtur edhe sot e kësaj dite. Aq shumë, sa që ata jo vetëm që u larguan nga Lenzburgu, por edhe e shmangin vendndodhjen e aksidentit”.
Përveç kësaj, gjatë këtij viti ndoshta nuk do të ndodhë një gjykim. “Festat për ne do të jenë shumë të rënda”, thotë më tej Bedriu, njofton Albinfo.ch. “Elida është duke na munguar në në çdo hap”.
Atëbotë, K. S. kishte deklaruar: “Ishte errësirë dhe po binte shi. Nuk e pashë vajzën. Unë frenova vetëm kur e godita”. Nëse ai ka qenë duke ngarë shpejt veturën, mbetet të konstatohet gjatë gjykimit. Pastaj do të paraqitet një raport teknik i trafikut.
Kur do ët ngritet akuzë ndaj tij? “Procesi është avancuar mirë”, thotë Fiona Strebel nga prokuroria. A duhet që K. S. ndonjëherë të shkojë në burg? Ai mund të përballet me veprën “burg për vrasje të pakujdesshme” deri në tre vite – por ai mund të marrë edhe vetëm një gjobë. Bedri Asani: “Kjo do të ishte kuminacioni më i lartë”.
Të ngjashme
Të tjera nga E-Diaspora
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Zvicër
-
Zvicër: Nis fushata për uljen e primeve të sigurimit shëndetësor Fushata për një ligj që kufizon koston e sigurimit shëndetësor në 10 për qind të të...
-
Barnat e blera jashtë vendit mund të rimbursohen në Zvicër
-
Anulime të shumta të fluturimeve mes Zvicrës dhe këtij rajoni
-
Coca cola e re në Zvicër po konsiderohet mashtrim
-
Marigona Qerkezi do të debutojë në teatrin e St.Gallenit