Ekonomi
Përshpejtohet rritja ekonomike globale, aq sa ishte më 2011
![](https://www.albinfo.ch/wp-content/uploads/2017/08/ekonomia-587x392.jpg)
Rritja ekonomike globale është përshpejtuar në rreth 3 për qind, norma më e lartë e rritjes që nga viti 2011 dhe dukshëm më e lartë se vitin e kaluar, thuhet në një raport të Kombeve të Bashkuara.
Raporti vjetor ekonomik dhe OKB parashikojnë se përparimi është bërë kryesisht për shkak të zhvillimit të përshpejtuar të të gjitha ekonomive të mëdha dhe Azia Lindore dhe Jugore mbetet “rajoni më dinamik”.
“Vetëm ekonomia kineze përbën rreth një të tretën e rritjes globale të këtij viti”, tha raporti.
Krahasuar me vitin 2016, kur rritja ekonomike globale ishte 2.4 për qind, rritja në vitin 2017 është përshpejtuar në gati dy të tretat e vendeve në mbarë botën.
Megjithatë, ata paralajmërojnë se rritja ekonomike “mund të dëmtojë mjedisin”.
Situata ekonomike dhe perspektiva e ekonomisë botërore për vitin 2018 thotë se kur është fjala për rritjen ekonomike, qeveritë e vendeve duhet të përqendrohen tani në çështjet afatgjata, duke përfshirë luftën kundër ndryshimeve klimatike dhe rritjen e pabarazisë mes të pasurve dhe të varfërve.
OKB vlerëson se ekonomia globale do të rritet vazhdimisht me tre për qind gjatë 2018 dhe 2019. Raporti tregon për avancimin e situatës në Argjentinë, Brazil, Nigeri dhe Rusi, pasi këto vende po dalin nga një recesion, që shpjegon “një të tretën e ritmit të rritjes ekonomike globale midis 2016 dhe 2017”.
Megjithatë, OKB-ja thekson se përparimi ekonomik ende nuk është i balancuar dhe se “shumë pjesë të botës duhet të arrijnë një normë të shëndetshme rritjeje”.
Kur është fjala për Shtetet e Bashkuara të Amerikës, OKB vlerëson se ekonomia amerikane do të ketë një normë rritjeje prej 2.1 për qind më 2018 dhe 2019, e cila është, siç u tha, një përparim i dukshëm kundrejt 1.5 për qind që nga viti 2016.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n