PIDE ME MISH TË GRIRË

Pideja mund të mbushet edhe me djathë, spinaq ose përbërës të tjerë sipas dëshirës suaj.

Përbërësit:

• 100 ml qumësht i vakët,
• 100 ml ujë i vakët,
• 500 gr miell,
• 1 qese majë e thatë,
• 1 lugë e vogël kripë,
• 1 lugë e vogël sheqer,
• 2 luga vaj ulliri,
1 të bardhët e vezës.

Përbërësit me mish:

• Speca të kuqe djegës (sasi sipas dëshirës),
• 1 domate,
• ½ gotë salcë domatesh,
• 500 gr mish i grirë,
• 1 qepë te kuqe, 1 qepë te bardhë,
• ½ gotë salcë domatesh,
• ½ spec i kuq i prerë,
• kripë, piper i zi, speca djegëse.

Përgaditja:

Përzini majën(e bukes) me sheqer dhe pak ujë dhe lëreni që të vijë. Përzini miellin me kripë dhe shtoni majën, pastaj bejeni brumin së bashku me përbërësit e tjerë. Brumi duhet të jetë elastik dhe nuk duhet të ngjitet. Lëreni për një orë që të vijë.
Përzierje me mish: prisni qepën dhe skuqni me vaj, pastaj shtoni specin e prerë dhe fërgoni pak, pastaj shtoni mishin e grirë, domaten dhe erëzat. Përzierja duhet të jetë e dendur dhe nuk duhet të zihet shumë, sepse do të piqet më vonë.

Ndajeni brumin në 10 pjesë ose sipas dëshirës suaj, bejeni në formë ovale(elipse), mbushni me përzierjen e mishit dhe mbuloni nga majat.
Lërini në tavë, lyeni me të verdhen e vezës dhe piqni në temperaturë prej 180 gradësh, përafërsisht 20-25 minutash. Kur të jenë gati, lyeni me gjalpë të shkrirë.

Ju bëftë mirë

LAJME INTERESANTE NGA INTERNETI