Kosova
Pika të përbashkëta kufitare, miratohet marrëveshja Kosovë-Shqipëri
Komisioni për Sigurinë Kombëtare miratoi marrëveshjen Shqipëri-Kosovë për ngritjen e pikave të përbashkëta të kalimit kufitar.
Komisioni për Sigurinë Kombëtare shqyrtoi dhe më pas miratoi në tërësi projektligjin për ratifikimin e marrëveshjes ndërmjet Këshillit të Ministrave te Republikës së Shqipërisë dhe Qeverisë së Republikës së Kosovës për ngritjen e pikave të përbashkëta të kalimit kufitar ndërmjet Republikës së Shqipërisë dhe Republikës së Kosovës dhe kryerjen e veprimtarive të përbashkëta të kontrollit kufitar
Të pranishëm në komision, për paraqitjen e këtij projektligji, ishin zëvendësministrja e Brendshme, Rovena Voda, si dhe specialistë të kësaj ministrie, shkruan atsh, përcjell albinfo.ch.
Nga ana e saj, Voda e vuri theksin te rëndësia e këtij projektligji, ku ndër të tjera theksoi lehtësimin e procedurave dhe masave lidhur me kontrollin kufitar sipas parimit të menaxhimit të integruar të kufirit, duke shmangur flukset e qytetarëve kryesisht gjatë sezonit veror.
“Parimi që do të zbatohet është “një ndalesë – një kontroll”, pra do të kemi vetëm një kontroll në hyrje, duke shmangur kështu kontrollet e dyfishta. Kjo marrëveshje vjen në të njëjtën kohë edhe me një investim të madh nga BE-ja në pikën kufitare Morinë, ku numri i korsive është dyfishuar. Kemi 12 korsi, të cilat janë të ndara 6 për Shqipërinë dhe 6 për palën kosovare, si edhe një godinë e përbashkët, ku do të qëndrojnë autoritetet policore dhe doganore të Kosovës”, tha Voda
Lidhur me propozimet e sjella, më pas fjalën e mori Antoneta Dhima, e cila tha se qëllimi dhe objektivat e këtij projektligji lidhen me nevojën e thjeshtëzimit të procedurave lidhur me kontrollet kufitare dhe qarkullimin, ndërmjet dy vendeve.
“Marrëveshja, tha znj Dhima, është iniciuar duke marrë parasysh fluksin në rritje të qarkullimit të shtetasve dhe të mallrave ndërmjet dy vendeve tona, me synim arritjen e objektivave për përmirësimin e infrastrukturës së transportit rajonal dhe europian. Kjo marrëveshje parashikon që pikat aktuale jo të përbashkëta të kalimit kufitar të ndryshojnë statusin në pika të përbashkëta të kalimit kufitar, ndërsa pikat e kalimit që mund të hapen në të ardhmen do të rregullohen sipas parashikimeve të kësaj marrëveshje.”
Mbledhja vijoi me pyetje dhe diskutime nga anëtarët e komisionit, të cilët më pas miratuan në tërësi projektligjin.
E-Diaspora
-
Mbahet takimi i Kolegjit të kirurgëve të Kësovës me kirurgët nga mërgata Më 23 mars, në Wirtschaftsclub Dusseldorf, Kolegji i Kirurgëve të Kosovës mbajti takimin nismëtar për themelimin...
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Për Shaqirin ishte goli i 30-të në 121 paraqitje me fanellën e Zvicrës
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe