Botë
Plazhi ku s’lejohet muzika me zë të lartë, gjoba 36 mijë euro

Pushuesit e plazhit në Portugali janë paralajmëruar se mund të përballen me gjoba deri në 36,000 euro nëse lëshojnë muzikë me zë të lartë.
Altoparlantët portativë, përmes së cilëve shpërthejnë meloditë me volum të lartë që shqetësojnë vendasit dhe turistët, janë ndaluar nga Autoriteti Kombëtar Detar i vendit (AMN).
Kufizimet e reja u konfirmuan pikërisht kur sezoni i pikut të turizmit do të nisë në destinacionet më të njohura të plazheve të Portugalisë.
E shpallur muajin e kaluar nga AMN, rregullorja ndalon “përdorimin e pajisjeve të zërit dhe aktiviteteve që gjenerojnë zhurmë, të cilat, sipas kushteve të ligjit, mund të shkaktojnë shqetësim”.
Ndërsa nuk është e qartë se çfarë vëllimi, nëse ka, klasifikohet zyrtarisht si shqetësim, plazhistët mund të bëjnë ankesa për zhurmën në Policinë Detare lokale përgjegjëse për plazhin në të cilin ndodhen, transmeton telegrafi, përcjell albinfo.ch.
Gjobat mund të jenë diku ndërmjet 200 dhe 4,000 € për individët dhe midis 2,000 dhe 36,000 € për grupet.
“Pajisja” – si një altoparlant – gjithashtu mund të konfiskohet.
Kjo nuk është hera e parë që “sjellja antisociale” rregullohet në plazhet e Evropës.
Verën e kaluar, Barcelona në Spanjë ndaloi cigaret në brigjet e saj për të mbrojtur plazhistët nga “tymi i dorës së dytë” dhe cigaret e hedhura.
Nga Portugalia në Kroaci, rregulla dhe kufizime po futen për t’i bërë destinacionet turistike të njohura më të përshtatshme për vendasit.
E-Diaspora
-
Islam Alijaj “angazhon” avatarin të flasë për të gjatë fushatës zgjedhore Alijaj tani po merr mbështetje virtuale në fushatën zgjedhore. Ai dhe ekipi i tij kanë zhvilluar...
-
Për shtatë muaj, diaspora solli në Kosovë 754 milionë euro
-
Librat në gjuhën shqipe, së shpejti edhe në Zvicër
-
Aplikacioni i krijuar nga ndërmarrësi shqiptar, Kristian Kabashi, i nominuar për Best of Swiss Apps Awards
-
Kurti: “Janë pjekur kushtet për një përfaqësim në nivelin më të lartë të Zvicrës”
Jeta në Zvicër
-
Sa mund të fitoni me një diplomë universitare zvicerane? Arsimi i detyrueshëm përfundon në Zvicër në moshën 16 vjeç, kur nxënësit kanë një zgjedhje midis...
-
Rriten shtrimet me Covid në Zvicër
-
Emigrantët nga Italia: Zvicra dërgon më shumë roja kufitare në Ticino
-
Primetravel vjen për ju edhe në Cyrih!
-
Islam Alijaj “angazhon” avatarin të flasë për të gjatë fushatës zgjedhore