CH-Ballkani
Po lobonte kundër Kosovës, Daçiq i shpëton sulmit në Somali
Në këtë sulm terrorist kanë mbetur të vdekur nëntë persona dhe 13 të tjerë janë lënduar
Derisa ministri serb i Jashtëm, Ivica Daçiq, po lobonte që shteti somalez të tërhiqte njohjen e Pavarësisë së Kosovës, afër ndërtesës presidenciale, ku ai po zhvillonte një takim me presidentin e Somalisë, ndodhi një sulm terrorist.
Bomba-automobil shpërtheu afër postbllokut të sigurisë në afërsi të pallatit presidencial, derisa ushtarët po e verifikonin automjetin në rrugën kryesore.
Në këtë sulm vetëvrasës ditën e djeshme mbetën të vdekur së paku nëntë persona, në mesin e të cilëve edhe ish-ministri i Punëve të Jashtme të Somalisë, u lënduan mbi 13 persona, ndërsa shumica e të vdekurve ishin ushtarë, ka njoftuar policia, raporton AP, transmeton Koha.net.
Delegacioni i Serbisë ka qëndruar për dy ditë në Somali, ndërsa në ditën e fundit të kësaj vizite, ministri serb Daçiq u takua me presidentin e këtij shteti, Mohamed Abdullahi Mohamed, i njohur edhe si Farmajo, përcjell albinfo.ch.
Ish-shefi i diplomacisë somaleze, Hussein Elabe Fahiye, i cili vdiq në këtë sulm, ishte këshilltar i presidentit aktual.
Përgjegjësinë për këtë sulm e ka marrë grupi ekstremist somalez Al Shabab, duke theksuar se cak kishin automjetet me zyrtarë qeveritarë.
Ndërsa, sipas një njoftimi për media të MPJ-së serbe gjatë ditës së djeshme, u tha se presidenti somalez i ka thënë Daçiqit se qeveria e tij do t’i rishikojë dhe t’i anulojë vendimet e qeverisë tranzicionale që, siç shkruan kjo Ministri, “nuk kanë asnjë legjitimitet”, përfshirë edhe vendimin për njohjen e Pavarësisë së Kosovës.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë