Lajme
Po shqyrtohet vendimi për të bllokuar llogarinë e Trumpit në Facebook
Një bord i pavarur që mbikëqyr Facebook-un pritet të marrë vendim nëse bllokimi i llogarive në Facebook dhe Instagram të ish-Presidentit Donald Trump për një afat të pacaktuar ishte vendimi i duhur ose jo nga ana e kompanisë së medias sociale. Korrespondentja e Zërit të Amerikës Tina Trinh sjell më shumë detaje.
Ndërsa ish-Presidenti Donald Trump pritet të përballet me një gjyq në Senat, ai përballet gjithashtu dhe me një gjykim nga Bordi i Mbikëqyrjes së Facebook-ut. Ky i fundit pritet të shqyrtojë nëse vendimi i kompanisë së medias për ta bllokuar për një kohë të pacaktuar ish-presidentin në Facebook dhe Instagram, ishte vendimi i duhur.
“Në një farë mënyre ishte si një eksperiment dhe mendoj se shumë njerëz besojnë se kjo është rruga që duhet ndjekur në të ardhmen. Alternativa do të ishte që qeveria të bëjë rregulla, ose Facebook-u, apo Mark Zuckerberg-u të marrë këto vendime“, thotë Endy Bayuni, Anëtar i Bordit Mbikëqyrës të Facebook-ut.
Endy Bayuni, gazetar nga Indonezia, është një prej 20 anëtarëve të bordit.
“Ne sigurisht që marrim parasysh standardet e Facebook-ut, vlerat e kompanisë dhe ligjet ndërkombëtare për të drejtat e njeriut“, thotë Endy Bayuni.
Kohët e fundit anëtarët e bordit bënë të ditura vendimet e tyre të para. Në 4 nga 5 raste ata i kanë rrëzuar vendimet e Facebook-ut për të hequr disa postime. Facebook-u respektoi vendimin e bordit duke i publikuar sërish ato.
Pas paraqitjes së zotit Trump në një tubim më 6 janar, Facebook-u ia referoi bordit për rishikim vendimin e tij për të ndaluar zotin Trump dhe gjithashtu kërkoi një rishikim të mënyrës se si duhet t’i trajtojë fjalimet e udhëheqësve botërorë.
Por disa ngrenë pikëpyetje mbi nevojën e një bordi të tillë.
“Kjo do të ishte njësoj sikur Walmart-i ose Aston Martin ose Jaguar-i të vendosin të kenë një gjykatë, apo jo?! Gjë që është shumë e çuditshme”, thotë Lilian Edwards, Profesoreshë në Universitetin Newcastle.
Gjiganti i mediave sociale po vepron sikur të ishte një vend sovran me strukturën e tij të gjykatës, shton ajo.
“Sa më shumë që njerëzit diskutojnë mbi atë çfarë bën bordi, aq më pak diskutojnë a duhet të ketë një bord“, thotë Lilian Edwards.
Të tjerë fajësojnë mungesën e rregulloreve qeveritare gjë që shfrytëzohet nga kompanitë e teknologjisë.
“Kjo nuk i zgjidh problemet strukturore të modelit të biznesit, ato të shtimit të urrejtjes si pasojë e algoritmit, të cilat mendoj se duhet të trajtohen’’, thotë Marietje Schaake, Drejtoreshë e Politikës Ndërkombëtare, në Qendrën e Politikave Kibernetike të Stanfordit
Por zoti Bayuni thotë se qëllimi nuk është zëvendësimi i rregulloreve qeveritare.
“Ne nuk e shohim veten si zëvendësues të ligjeve në vende të ndryshme. U takon atyre të vendosin. Ne jemi këtu për të ndihmuar për një përmbajtje larg qasjes ekstreme”, thotë Endy Bayuni, anëtar i Bordi të Mbikëqyrjes së Facebook-ut.
Bordi po pranon komente publike lidhur me vendimin mbi bllokimin e zotit Trump në FB dhe pritet që shumë shpejt të marrë vendim mbi këtë çështje./VoA
E-Diaspora
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Zvicër
-
Mungesa e banesave në Cyrih dhe qiratë e larta nxisin trendin e ‘sublet’ Një numër në rritje i apartamenteve në Cyrih po jepen me nënqira, përcjell albinfo.ch. Sipas ekspertit...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni