Policia arreston 17 persona të dyshuar për prostitucion

Policia e Kosovës njofton se në rajonin e Prishtinës, Gjilanit dhe Ferizajt ka arrestuar shtatëmbëdhjetë persona të dyshuar për përfshirje në veprimtari penale për prostitucion.

Sipas policisë në Prishtinë, tre persona, dy meshkuj dhe një femër, janë të dyshuar për veprën “Mundësim ose detyrim në prostitucion’’ dhe “Ofrim i lokaleve për prostitucion’’, ndërsa 11 të tjerë për ,,Marrje me prostitucion”. Një person është arrestuar në Ferizaj i dyshuar për veprën penale “Mundësim dhe detyrim në prostitucion”, ndërsa dy të tjerë janë arrestuar në Gjilan, përcjell albinfo.ch.

Policia thotë se mbetet e përkushtuar në realizimin e detyrave të saja për të ofruar rend dhe siguri publike, për të luftuar aktivitetet kriminale, përfshirë trafikimin me qenie njerëzore.