Policia arreston 22 persona për prostitucion në Prishtinë e Gjakovë

Policia e Kosovës njofton se ka arrestuar 22 persona të dyshuar për përfshirje në vepra të kundërligjshme “mundësim ose detyrim në prostitucion”, ”marrje me prostitucion“ dhe “ofrim i lokalit për prostitucion”.

Në rajonin e Prishtinës policia thotë se ka identifikuar dhe janë arrestuar katër të dyshuar meshkuj dhe tetë të dyshuara femra nga Shqipëria, të cilët dyshohen se kanë kryer këto vepra të kundërligjshme.

Në një aksion tjetër në Prishtinë janë arrestuar edhe 4 persona të tjerë. Ndërsa, në rajonin e Gjakovës janë arrestuar gjashtë persona të dyshuar, të cilëve u është caktuar masa e ndalimit prej 48 orësh.