Kosova

Policia sekuestron 55 kilogramë drogë në Vërmicë

E shtunë, 27 Korrik 2019 - 20:30 albinfo.ch
Foto: Kosovo Police

Policia e Kosovës ka njoftuar se ka sekuestruar 55 kilogramë substancë narkotike në Pikën e Kalimit Kufitar në Vërmicë, përcjell albinfo.ch.

Rasti ka ndodhur gjatë ditës së djeshme, dhe është arrestuar një person i moshës rreth 23 vjeçare.

“Gjatë kontrollimit të veturës, në një pjesë të modifikuar brenda saj, janë gjetur substancë që dyshohet të jetë narkotike e llojit hashash dhe marihuanë. Substanca narkotike e llojit hashash është gjetur në sasi prej 24 (njëzet e katër) paketime me peshë mbi 25 (njëzet e pesë) kg, ndërsa substanca narkotike e llojit marihuanë është gjetur në sasi prej 29 (njëzet e nëntë) paketime me peshë mbi 29 (njëzet e nëntë) kg.

Siç njofton policia, me aktvendim të prokurorit personi i dyshuar është dërguar në mbajtje.

 Të ngjashme

Nga Austria në Zvicër me një kg drogë dhe patentë false, arrestohet shqiptari

 Të tjera nga Kosova

Kurti: Besojmë në mbështetjen e Francës për anëtarësim në Këshillin e Evropës pa kusht

 E-Diaspora

 Jeta në Zvicër