Lajme

Politikanët shqiptarë të Luginës i kanë këto kërkesa për Albin Kurtin

Në zgjedhjet e parakohshme të 14 shkurtit në Kosovë ka fituar bindshëm Lëvizja Vetëvendosje, kryetar i së cilës është Albin Kurti.

“Pjesëmarrja e Luginës së Preshevës në dialog është e domosdoshme. Unë pres prej Qeverisë Kurti 2 që ne te jemi pjesëmarrës në këtë dialog. Për neve nuk është me rëndësi në cilin rang të listës së prioriteteve është, me rëndësi është të jemi në dialog. Për Luginën e Preshevës, dialogu ësahtë me rëndësi, sepse të rinjtë dhe të rejat tona të cilat studiojnë në Kosovë dhe dëshirojnë të punësohen në Komunën e Preshevës është e pamundur, sepse nuk u pranohen diplomat”, ka thënë Arifi, përcjell Albinfo.ch.

Arifi ka insistuar që të mos ketë shkëmbime të territoreve.

“Ne të bashkangjitemi në bazë të referendumit të Republikës së Kosovës, por me disa kushte. Dhe aty kemi qenë në një vijë me Albinin. Kushti numër 1 është që të mos ketë shkëmbim territoresh. Kushti numër 2 është që ndryshimi i kufijve të mos nënkuptojë parcializimin e Luginës. Dhe, mbështetja ndërkombëtare që është kushti numër 3”, thekson Arifi për KosovaPress.

Arifi ka thënë se pret që të jetësohet Fondi Kombëtar i Solidaritetit.

“Paralelisht të forcohet Lugina e Preshevës. Unë pres prej Qeverisë Kurti 2 që të jetësojë jo vetëm në letër, por edhe në praktikë Fondin Kombëtar të Solidaritet, fond i cili përfshin Komunën e Preshevës, Bujanocit dhe Medvegjës. Një fond i cili ka minimum pesë milionë euro, dhe i cili i prek të gjitha sferat e jetës të shqiptarëve të Luginës së Preshevës. Që me mbet kjo luginë gjallë dhe të mbes një luginë që jep perspektive dhe të mos shndërrohet në një Çamëri të dytë. Fondi Kombëtar është obligim politik të Qeverisë Kurti 2”, deklaron ai.

 


LAJME INTERESANTE NGA INTERNETI