Tematike
Politikani i SVP-së e jep lokalin vetëm për të huajt, përjashton zviceranët
Për këtë lokal mund të konkurrojnë vetëm të huajt! “Zviceranët ose qytetarët me pasaportë zvicerane nuk do të merren parasysh”, thuhet në shpalljen e tij
Publiku është mësuar të lexojë për rastet kur punëdhënës ose qiradhënës zviceranë pranojnë vetëm zviceranë në firmat ose në banesat që lëshojnë me qira. Por, ja që ndodh edhe ndryshe: me shpallje publike kërkohen të huajt për t`ua lëshuar lokalin me qira dhe përjashtohen zviceranët! Një shpallje të tillë e ka publikuar një ish gjyqtar nga partia SVP, shkruan albinfo.ch. Diçka aspak tipike. Nga politikanët e kësaj partie jemi mësuar të dëgjojmë lajme që shkojnë në drejtimin e kundërt…
Siqodoftë, Max Hirzel, ish gjyqtar nga SVP-ja e ka shpallur të lirë një lokal imbisi (kiosk për shërbim të ushqimit të shpejtë) në Dietikon të Cyrihut. Dhe teksti i shpalljes është befasues. Për këtë lokal mund të konkurrojnë vetëm të huajt! “Zviceranët ose qytetarët me pasaportë zvicerane nuk do të merren parasysh”, thuhet në shpalljen e tij. Deri tash i kanë ardhur 40 kërkesa, thotë ai për Tages Anzeiger.
“Shumë të huaj që vijnë nga kushte varfërie, kanë vullnetin për ngritje në shoqëri dhe janë të gatshëm që për një qëllim të tillë të punojnë fort”, thotë Hirzel më tutje. “Ata e shohin biznesin privat si shans dhe duan ta shfrytëzojnë atë patjetër”. Te zviceranët e moshës së njëjtë nuk ndodh gjithmonë kështu, përcjell albinfo.ch. “Edhe në mesin e tyre ka të tillë që tregohen të gatshëm për angazhim. Por një pjesë relativisht e madhe zgjedh më me dëshirë rrugën më komode. Ata nuk zgjedin arsuimimin që u përshtatet atyre më së miri por atë që u siguron pagë më të mirë. Më vonë pastaj ata punojnë me orar të pjesshëm”.
Kjo është një pasojë e mirëqenies, thotë Hirzel.
Edhe shifrat nga Zyra Federale për Statistikë tregoijnë se zviceranët punojnë gjithnjë më pak. Vitin e kaluar zviceranët e punësuar kanë punuar mesatarisht nga 1409 orë në vit. Kjo shifër tregon se gjatë pesë viteve të fundit, vëllimi i punës së tyre është zvogëluar për 38 orë. Në të njëjtën kohë, të huajt e punësuar, para pesë vitesh kanë punuar 153 orë më shumë se zviceranë ndërsa vitin e kaluar, 163 orë më shumë se ata.
Të ngjashme
Të tjera nga Tematike
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjeneva, më e pasur Qyteti i Gjenevës ka zbuluar se llogaritë e tij do të tregojnë një tepricë prej 200...
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë