Lajme
Prej sot, për hyrjen në Gjermani vlejnë rregulla të reja
Të gjithë personat mbi moshën dymbëdhjetëvjeçare duhet të tregojnë dëshminë se janë vaksinuar, atë të shërimit ose rezultatin negativ të testit
Saktësisht nga 1 gushti, gjegjësisht që nga mesnata e mbrëmshme, ashtu siç ishte paralajmëruar, vlejnë rregulla të reja për hyrjen në Gjermani.
Kjo bëhet me qëllimin për të parandaluar përhapjen e mëtejshme të koronavirusit tani kur po i afrohemi fundit të pushimeve verore.
Të gjithë personat mbi moshën dymbëdhjetëvjeçare duhet të dëshmojnë që në hyrje për uljen e transmetimit të koronavirusit dhe këtë mund ta bëjnë: me dëshminë se janë vaksinuar, dëshmi të shërimit ose me rezultat negativ të testit.
Një detyrim i tillë tashmë ka ekzistuar për udhëtarët që hynin në Gjermani përmes vijës ajrore, transmeton albinfo.ch. por, nga sot ai zbatohet për të gjithë udhëtarët, pavarësisht se me cilat mjete të transportit ata vijnë, përfshirë ata me makinë ose tren.
Për ata që kanë qëndruar në zona me variante të reja shqetësuese të virusit, dëshmia e testit është e detyruar. Dëshmitë e shërimit ose vaksinimit nuk janë të mjaftueshme në këtë rast.
Ndryshimi tjetër është se tani ka vetëm dy kategori në vend të tri sa ishin, për zonat në mbarë botën me rrezik më të lartë të infeksionit, përcjell albinfo.ch.
Fjala është për: zonat me rrezik të lartë dhe zonat në të cilat po qarkullojnë variante të reja shqetësuese të virusit.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit