Kosova

Prekaz: Ndizen flakadanët e lirisë

E enjte, 7 Mars 2024 - 19:00 albinfo.ch

Foto sc: RTK

Sonte me ndezjen e flakadanëve në “Natën e Zjarreve” në Prekaz dhe koncertin në Skenderaj ka përfunduar manifestimi në kujtim dhe nderim të Epopesë së Ushtrisë Çlirimtare të Kosovës.

Me aktivitete të ndryshme, në datat 5, 6 dhe 7 mars u nderua heroizmi i komandantit legjendar Adem Jashari, familjes Jashari dhe gjithë të rënëve për lirinë dhe pavarësinë e Kosovës, transmeton albinfo.ch.

Ndezja e flakadanëve u bë në Kompleksin Memorial “Adem Jashari” në Prekaz teksa me fillim nga ora 18:00 janë ndezur flakadanë në shtatë rajone të Kosovës.