Kosova
Macron: Prishtina dhe Beogradi t`i kthehen të ardhmes evropiane
Macron tha se Kosova, sikurse të gjitha vendet e Ballkanit Perëndimor, është e përcaktuar, që sapo të plotësojë kushtet të anëtarësohet në Bashkimin Evropian

Presidenti i Francës, Emmanuel Macron iu bëri thirrje Kosovës dhe Serbisë për t’u angazhuar si evropianë në përpjekjet për arritjen e një marrëveshjeje “që do t’i bëjë të mundur Beogradit dhe Prishtinës të kthehen tek e ardhmja evropiane”.
Ai tha se të dyja vendet duhet të gjejnë një kompromis.
“Ky është interesi i Kosovës”, tha Macron.
Presidenti francez këto komente i bëri të mërkurën në mbrëmje (23 qershor) para fillimit të një takimi me kryeministrin e Kosovës, Albin Kurti, shkruan Radio Evropa e Lirë.
Macron dhe Kurti në një paraqitje para mediave vlerësuan raportet mes dy vendeve.
Kryeministri Kurti tha se “Evropa është bashkimi më i mirë për t’i hedhur bazat e një paqeje afatgjate dhe të konceptuar drejt”.
“Tanimë realiteti ri ka përbërës të rinj. Ju siguroj se po i ndjekim nga afër zhvillimet e fundit në Bruksel sidomos vizitën e presidentit amerikan (Joe Biden) dhe bisedat me udhëheqësit e shteteve evropiane, të BE-së dhe më gjerë. Ne besojmë se një situatë e re politike po krijohet, një situatë e menduar më mirë me pjesëmarrje më të artikuluara dhe drejtëpeshuara dhe një besim më të lartë”, tha Kurti.
Në këtë situatë, sipas Kurtit, Kosova do të kontribuojë me të gjitha mundësitë e saj.
Macron tha se Kosova, sikurse të gjitha vendet e Ballkanit Perëndimor, është e përcaktuar, që sapo të plotësojë kushtet të anëtarësohet në Bashkimin Evropian.
Por, ai shtoi se për këtë proces, duhet të ketë transformime të thella ekonomike, sociale si dhe sundim të ligjit.
Presidenti i Francës, Emmanuel Macron, ka pritur kryeministrin e Kosovës, Albin Kurti, në Paris.
Ai ka ftuar Kosovën e Sebrinë të arrijnë një marrëveshje e të gjejnë kompromis, përcjell albinfo.ch.
“Kosova, si të gjitha shtetet e Ballkanit Perëndimor, ka një interes për BE-në, si udhëheqësit, ashtu edhe populli i saj. Do të keni mbështetjen tonë. Afërsia me BE-në, normalizimi i marrëdhënieve, për zhvillimin e qëndrueshëm, po ashtu me përfaqësuesin Lajçak, sikur një popull me vullnet të madh politik nga ana e të dyja vendeve në fjalë, juve dhe z.Vuçiq. I ftoj Kosovën dhe Serbinë të angazhohen si evropian në arritjen e një marrëveshjeje dhe gjetjen e një kompromisi”, u shpreh Macron.
Të ngjashme
Të tjera nga Kosova
E-Diaspora
-
Hobi i veçantë i Egzonit që po mirëpritet në rrjetet sociale Egzoni (29) nga Aargau jeton me distrofi muskulare – një sëmundje që vazhdimisht i dobëson muskujt....
-
Në Vjenë festohet 17-të vjetori i Pavarësisë së Kosovës
-
Shqiptarja nga Kosova, inxhiniere softuerike në “NETFLIX”
-
Vjenë: Një recital i shkëlqyeshëm me piano nga Kosti Deti
-
Albania School “Pjetër Budi” në Liverpool organizon koncert festiv për festën e Pavarësisë së Kosovës
Jeta në Zvicër
-
Nga një marsi në Zvicër do hyjnë në qarkullim veturat pa shofer Automjetet e automatizuara, të cilat kontrollohen nga softueri dhe jo nga drejtuesit fizikë, u është dhënë...
-
Banorët kthehen për dy orë në Brienz: Duket si vend fantazmë
-
Si i vonojnë avokatët projektet e ndërtimit pavarësisht mungesës së banesave
-
Sulmet në ATM: “Është vetëm çështje kohe kur do të ketë viktima”
-
Hobi i veçantë i Egzonit që po mirëpritet në rrjetet sociale