Lajme

Presidenti gjerman, Steinmeier, në karantinë

Kjo ka ndodhur pasi që një truproje e kreut të shtetit ka dalë pozitiv në testin për koronavirus

Presidenti federal i Gjermanisüe Frank-Walter Steinmeier është vendosur në karantinë. Siç njoftoi sot një zëdhënëse e Zyrës së Presidentit Federal në Berlin, kjo ka ndodhur pasi që një truproje e kreut të shtetit ka dalë pozitiv në testin për koronavirus, shkruan srf.ch.

Personi nga komanda e Zyrës Federale të Policisë Kriminale është kontakt i shkallës së parë me presidentin, transmeton albinfo.ch. Steinmeier tani i është nënshtruar një testi për koronavirus ndërsa rezultati i parë është ende në pritje.

Nesër, të dielën, Frank-Walter Steinmeier është dashur të bënte ndarjen e Çmimit të Paqes të Tregtisë Gjermane të Librit në përmbyllje Panairit të Librit në Frankfurt në  Paulskirche të Frankfurtit.