Kosova

Presidenti i Kosovës shkarkon këshilltarin Branislav Nikoliq

Presidenti i Kosovës njofton se ka marrë vendim që ta shkarkojë këshilltarin e tij serb, Branislav Nikoliq, pasi mediat raporton se ai ishte përfshirë në aktivitete të dyshimta.
“Nisur nga parimi i respektimit të ligjit dhe për t’u dhënë hapësirë autoriteteve të sigurisë që të kryejnë hetime të pavarura për këtë rast, Presidenti i Republikës së Kosovës, Hashim Thaçi, bazuar në kompetencat e tij kushtetuese dhe ligjore ka liruar sot nga detyra e Këshilltarit Politik Branislav Nikoliq. Presidenti Thaçi mbetet i përkushtuar në avancimin e të drejtave të komuniteteve joshqiptare dhe përfaqësimit të tyre në të gjitha nivelet e qeverisë qendrore dhe lokale, bazuar në Kushtetutën e Republikës së Kosovës. Rasti konkret është thjesht çështje e sundimit të rendit dhe ligjit”, thuhet në njoftim, transmeton albinfo.ch.
Mediat lokale në Kosovë raportuan se Branisllav Nikoliq ka qenë agjent i shërbimit sekret i Serbisë.
Ndërsa shefi i GP të Lëvizjes Vetëvendosje, Glauk Konjufca, kishte kërkuar nga Kryeministri Haradinaj të thërriste Këshillin e Sigurisë.