Maqedonia

Presidenti i Maqedonisë nuk do ta nënshkruajë marrëveshjen Maqedoni- Greqi

Presidenti i Maqedonisë, Gjorgje Ivanov në një konferencë para gazetarëve ka thënë se marrëveshja për emrin mes Maqedonisë dhe Greqisë është e dëmshme dhe se e njëjta nuk do të nënshkruhet, shkruan albinfo.ch.

“Procesi nuk ishte transparent dhe këtë e dëshmoi edhe rezultati përfundimtar. Është shkelur gjithçka që është e shenjtë për Maqedoninë”, ka thënë Ivanov në konferencë.

Ky reagim i presidentit erdhi pasi gjatë ditës së djeshme, kryeministri maqedonas Zoran Zaev dhe ministri i Jashtëm, Nikola Dimitrov kanë dorëzuar marrëveshjen me Greqinë për zgjidhjen e çështjes së emrit.

Marrëveshja është dërguar në Presidencë, shkruan albinfo.ch.

Marrëveshja për zgjidhjen e emrit mes Maqedonisë dhe Greqisë, është përshëndetur nga Shtetet e Bashkuara, zyrtarë të BE-së, nga zyrtarë të Kosovës.

Ata e kanë cilësuar zgjidhjen aktin më të mirë.