Kriza në Ukrainë
Përfundon bllokada e grurit: Kievi konfirmon marrëveshjen me OKB-në dhe Turqinë
Por “Ukraina nuk po nënshkruan asnjë dokument me Rusinë”. Kështu ka shkruar në Twitter këshilltari presidencial ukrainas, Mykhailo Podoliak
Rusia dhe Ukraina kanë rënë dakord me Kombet e Bashkuara dhe Turqinë për një zgjidhje për eksportin e miliona tonëve drithë nga Ukraina e shkatërruar nga lufta. Rusia dhe Ukraina nënshkruan veçmas marrëveshjet përkatëse të premten në Stamboll, të ndërmjetësuara nga Sekretari i Përgjithshëm i OKB-së António Guterres.
Ukraina dëshiron të nënshkruajë me Kombet e Bashkuara dhe Turqinë marrëveshjen për eksportet e grurit nga portet e saj të bllokuara në Detin e Zi, individualisht. “Ukraina nuk po nënshkruan asnjë dokument me Rusinë”, transmeton albinfo.ch. Kështu ka shkruar në Twitter këshilltari presidencial ukrainas, Mykhailo Podoliak.
Sipas tij, Turqia dhe Kombet e Bashkuara kanë lidhur një traktat me Rusinë. Podoliak gjithashtu përjashton kategorikisht përfshirjen e anijeve ruse dhe praninë e përfaqësuesve të Moskës në portet e Ukrainës: “Në rast provokimi, do të ketë një përgjigje të menjëhershme ushtarake”. Nëse është e nevojshme, të gjitha kontrollet do të kryhen në ujërat turke nga “grupe të përbashkëta”, shkruan srf.ch
Një marrëveshje për eksportet e grurit që përfshin Ukrainën, Rusinë, Turqinë dhe OKB-në do të jetë lidhur në Stamboll, Turqi. Sipas burimeve ukrainase, aty janë përfshirë tre porte pranë qytetit të Odessa.
Ukraina kishte akuzuar Rusinë për bllokimin e porteve dhe rrjedhimisht bllokimin e eksportit të grurit me marinën e saj.
Organizatat humanitare kishin frikë nga uria për shkak të situatës, veçanërisht në Afrikën Lindore, por edhe në pjesë të tjera të botës. Ukraina është ndër pesë eksportuesit kryesorë të grurit në botë.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën