Jeta në Zvicër
Presidenti Maurer takohet me zëvendëskryetarin kinez Wang Qishan
Presidenti i Konfederatës, Ueli Maurer dhe nënkryetari i Republikës Popullore të Kinës, Wang Qishan, do të marrin pjesë në edicionin e parë sino-zviceran, platformë kjo e nivelit të lartë që do të mbahet në Cyrih, transmeton Albinfo.ch.
Kjo ngjarje, e cila është pjesë e partneritetit midis dy vendeve në aspektin e strategjisë së inovacionit, do t’i kushtohet digjitalizimit, motorit të inovacionit. Një takim zyrtar do të zhvillohet gjithashtu midis Presidentit të Konfederatës dhe nënkryetarit kinez.
Të dy vendet bënë agjendën e tyre të çështjeve të bisedimeve zyrtare që lidhen me qeverisjen ndërkombëtare dhe të tregtisë globale, por edhe zhvillimin e të projektit rrugor të ri të mëndafshtë (iniciativa rrugë dhe brez), transmeton Albinfo.ch.
Në veçanti, ata do të përqendrohen në thellimin e marrëdhënieve të shkëlqyera bilaterale midis Zvicrës dhe Kinës, veçanërisht duke ndjekur zhvillimin e Marrëveshjes së Tregtisë së Lirë.
Nga pala zvicerane, të pranishëm do të jenë katër sekretarët e shtetit: Marie-Gabrielle Ineichen-Fleisch (Sekretariati i Shtetit për Çështje Ekonomike SECO), Jörg Gasser (Sekretariati i Shtetit për Çështje Financiare Ndërkombëtare SIF), Pascale Baeriswyl (Sekretar i Shtetit në Departamentin Federal të Punëve të Jashtme DFAE) dhe Martina Hirayama (Sekretariati Shtetëror për Arsim, Hulumtim dhe Inovacion SEFRI).
Platforma e nivelit të lartë është vendosur nën kujdesin e Departamentit Federal të Punëve Ekonomike, Trajnim dhe Hulumtim (DEFR) dhe Ministrisë kineze të Industrisë dhe Teknologjisë së Informacionit (MIIT) si dhe sipërmarrjet zvicerane. U ftuan përfaqësues nga sektorë të ndryshëm dhe institucione trajnuese.
Të ngjashme
Të tjera nga Jeta në Zvicër
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit