Kosova

Presidentja Osmani takohet me Robinsonin

E enjte, 21 Mars 2024 - 11:30 albinfo.ch

Presidentja e Kosovës, Vjosa Osmani, ka pritur të enjten në takim ndihmëssekretarin për Byronë Ndërkombëtare për Narkotikë dhe Sundim të Ligjit të Shteteve të Bashkuara të Amerikës, Todd D. Robinson, përcjell albinfo.ch.

Pas këtij takimi, Robinson e Osmani do të mbajnë konferencë për media.

Robinson ka arritur për një vizitë në Kosovë gjatë ditës së djeshme. Sipas njoftimit të Ambasadës amerikane, Robinson me të arritur është ndalur në pikën kufitare të Vërmicës për të diskutuar rolin e bashkëpunimit kufitar në luftimin e krimit të organizuar dhe trafikimit ndërkombëtar.