Presidentja Osmani uron 7 Marsin

Osmani: Mësuesit janë garancia për cilësinë dhe formimin e brezave

Presidentja Vjosa Osmani ka uruar 7 Marsin, duke thënë se sa më shumë investim në arsim, do të nderohet më shumë përkushtimi i mësuesve, përcjell albinfo.ch.

“137 vite më parë me ndërtimin e mësonjtores së parë shqipe u vu guri themeltar i arsimit shqip. Investimi në arsim është jetik për mirëqenien shoqërore dhe shtetërore. Shkolla dhe mësuesit luajnë një rol vendimtar për një shoqëri të përparuar dhe shtet të zhvilluar. Sa më shumë investime në arsim, më shumë do ta nderojmë përkushtimin e palodhur të mësuesve tanë”, ka shkruar Osmani.

Ajo tha se mësuesit janë garancia për cilësinë dhe formimin e brezave të ardhshëm.

“Të dashura mësuese, të dashur mësues, urime 7 Marsi!”

---