Kosova
Prishtina hap dyert për sportistët shqiptarë të Zvicrës
"FC Kosova - Zürich” u pritën në Ministrinë e Kulturës, Rinisë dhe Sportit dhe në Komunën e Prishtinës.
![](https://www.albinfo.ch/wp-content/uploads/2022/10/311014229_487215470118520_2780505450326960559_n.jpg)
Ministri i Sportit i Kosovës, Hajrulla Çeku ka pritur sot në takim përfaqësuesit e klubit futbollistik FC Kosova nga Cyrihu, fitues të Kupës së Diasporës në Zvicër.
Me kryetarin e klubit, Nesret Limani diskutuan për organizimin e klubeve shqiptare në Zvicër dhe për të arriturat e FC Kosova, duke potencuar edhe bashkëpunimin që mund të kenë futbollistët e Kosovës dhe futbollistët shqiptarë të Zvicrës, njofton MKRS.
Çeku ka falënderuar delegacionin e FC Kosova për vizitën ndërsa duke i uruar për rezultatin e arritur tha se është në interes të ketë bashkëpunim për zhvillimin e sportit të klubeve shqiptare në diasporë.
![](https://www.albinfo.ch/wp-content/uploads/2022/10/311995822_487215476785186_1361478126599351963_n.jpg)
![](https://www.albinfo.ch/wp-content/uploads/2022/10/312212424_487215533451847_7526760876401455181_n.jpg)
![](https://www.albinfo.ch/wp-content/uploads/2022/10/311014229_487215470118520_2780505450326960559_n.jpg)
“Sporti na bashkon”. Kështu deklaroi drejtori për sport në Komunën e Prishtinës, Granit Rugova, pas takimit që pati me “FC Kosova – Zürich”, të cilët u pritën në Komunën e Prishtinës.
Ai tha se ekipi shqiptar i Zvicrës është më shumë se një ekip futbolli. “Janë klub shqiptar që garon në ligën e futbollit zviceran”, theksoi ai, transmeton Albinfo.ch.
“Sot, ky klub ka tetë skuadra, me gjithsej 181 lojtarë. Për tifozët, klubi është pjesë e identitetit të tyre, një familje e dytë në Zvicër, e krenaria e veshjes së fanellave kuq e zi mund të ndihet te të gjithë lojtarët – të rinjtë dhe të moshuarit.
Shumë kënaqësi të takohem me kryetarin e klubit, Nesret Limani, me Ilir Morina dhe Perparim Avdili, me të cilët diskutuam hapur për mundësitë e thellimit të bashkëpunimit për shumë projekte”, shkruan tutje Rugova, duke shtuar se Prishtina e ka derën të hapur për të gjithë sportistët. “Mezi po presim t’i bashkojmë ekipet tona në shtëpinë e sportit, pra në Kryeqytet!”, thekson Rugova.
![](https://www.albinfo.ch/wp-content/uploads/2022/10/312079377_10160008239760049_6053741427069225790_n.jpg)
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n