Projekti i ri i Elina Dunit me Rob Luft & Fred Thomas, koncert live (VIDEO)

Elina ka lindur në Tiranë, derisa në vitin 1992 ishte zhvendosur në Cyrih, ku ka studiuar për piano klasike në Gjenevë, duke u zbuluar si një këngëtare mjaft e talentuar, shkruan albinfo.ch.

Duhet theksuar se Elina Duni u specializua në rrymën “Jazz” pranë Universitetit të Arteve në Bernë të Zvicrës dhe që nga viti 2004 ajo luan së bashku me kuartetin nën emrin e saj. Stili i saj inovativ në rrymën “Jazz”, me një ndikim të madh nga muzika popullore shqiptare, u vlerësua me nominimin për çmimin Swiss Music Prize në vitin 2017.

Duni vlerësohet për talentin dhe zërin e saj të veçantë dhe është renditur disa herë në krye të listave me këngëtarët më të mirë të muzikës xhaz. Këngëtarja njihet edhe për përpunimin e shumë këngëve të vjetra shqipe dhe albumet e saj “Baresha”, “Lume lume” dhe “Matanë malit”, shkruan albinfo.ch.

Projekti më i fundit i këngëtares shqiptare së bashku me Rob Luft dhe Fred Thomas, mund të ndiqet drejtpërsëdrejti nga MoodsClub në Zyrih. /Albinfo.ch