Lajme
Protesta në Athinë kundër marrëveshjes së emrit (VIDEO)
Protestuesit janë përleshur me policinë jashtë ndërtesës së Parlamentit të Greqisë, gjatë protestave, ku morën pjesë dhjetëra mijëra persona, të cilët po kundërshtojnë Marrëveshjen e emrit me Maqedoninë.
Dhjetëra protestues hodhën gurë dhe objekte të tjera ndaj policisë, teksa tentuan të hyjnë në objektin e Parlamentit në Athinë.
Policia u kundërpërgjigj duke përdorur shkopinjtë e gomës dhe gazin lotsjellës për të zmbrapsur protestuesit, shkruan REL, përcjell albinfo.ch.
Nëntë policë janë lënduar si pasojë e dhunës, njoftuan autoritetet greke.
Qeveritë në Athinë dhe Shkup arritën marrëveshjen për ndryshimin e emrit të shtetit të Maqedonisë, në Republika e Maqedonisë së Veriut.
Në këmbim të kësaj, Greqia është zotuar se do të tërhiqet nga kundërshtimet e saj që Maqedonia t’i bashkohet NATO-s dhe Bashkimit Evropian.
Ligjvënësit grekë pritet të nisin debatin më 21 janar dhe votimi për ratifikimin e marrëveshjes pritet të ndodhë në fund të javës.
Më herët gjatë këtij muaji, Parlamenti i Maqedonisë miratoi ndryshimet kushtetuese, që mundësojnë ndryshimin e emrit të shtetit, shkruan REL, përcjell albinfo.ch.
Marrëveshja për emrin po kundërshtohet në të dyja shtetet. Athina argumenton se përdorimi i terminit “Maqedoni” nënkupton pretendime territoriale mbi provincën veriore greke, që ka të njëjtin emër dhe mbi trashëgimin e lashtë greke.
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit