Lajme
“Shkolla Shqipe në Kantonin e St. Gallenit, vatër e bashkimit kombëtar”, libër i mësuesit Vaxhid Sejdiu
Autori Vaxhid Sejdiu në 500 faqet e këtij libri sjell historikun e shkollës shqipe të këtij kantoni, me të dhëna të rëndësishme historike dhe kombëtare që përfshin një periudhë rreth 30-vjeçare
Me rastin e 30-vjetorit të Shkollës Shqipe në Kantonin e St. Gallenit, mësuesi Vaxhid Sejdiu u bëri një dhuratë nxënësve, kolegëve dhe prindërve në prag të festës së 7 Marsit, duke u dhuruar një libër që përfshin 30 vjet pune dhe aktiviteti kombëtar në kuadër të shkollave shqipe të këtij kantoni, por edhe më gjerë.
Autori në 500 faqet e këtij libri sjell historikun e shkollës shqipe të këtij kantoni, duke sjellë para lexuesit një libër me të dhëna të rëndësishme historike dhe kombëtare. Aty lexuesi ka mundësi të takojë aktivitetet e nxënësve të shkollave shqipe, mësuesit dhe përkushtimin e tyre, shkollat ndër vite në nivel kantoni, nxënësit e shkollave shqipe që sot janë studentë të Universiteteve prestigjioze në Zvicër, veprimtarët e shkollave shqipe etj.
Ky libër është një përpjekje për të prezantuar ardhjen, organizimin dhe angazhimin e shqiptarëve në Kantonin e St. Gallen-it të Zvicrës, me theks të veçantë hapjen e pikave shkollore dhe përpjekjet për ruajtjen e gjuhës shqipe.
Në dhjetë kapitujt e librit janë trajtuar përpjekjet e mërgimtarëve shqiptarë në Kantonin e St. Gallen-it nga iniciativat individuale për hapjen e shkollave shqipe, duke vazhduar me Shoqatën “Motrat Qiriazi”, Lidhjen Kantonale të Prindërve Shqiptarë “LPSH.”, Lidhjen Kantonale të Arsimtarëve “LASH” dhe deri te formimi i LAPSH “Naim Frashëri” për Kantonin e St. Gallen-it.
Janë trajtuar me kujdes të gjitha fazat e zhvillimit të shkollës shqipe në nivel kantonal si dhe bashkëpunimi i LAPSH-it kantonal me shkollat e tjera apo me kantonet e tjera. Duke e shfletuar librin nga faqja e parë deri në faqen e fundit, vijmë në përfundim se autori ka të drejtë kur konstaton se “Shkolla Shqipe në Kantonin e St. Gallenit është vatër e bashkimit kombëtar”./Albinfo.ch
Të ngjashme
Të tjera nga Lajme
E-Diaspora
-
Më 7 prill, edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar