Qalaj: Izet Demaj motiv për luftimin e krimit

Është varrosur me nderime të larta shtetërore, Polici Izet Demaj, ky i fundit i cili vdiq në krye të detyrës. 

Demaj u nderua nga kolegët e tij, nga personalitet të larta shtetërore dhe shumë persona të tjerë. 

I pari i Policisë së Kosovës, Rashit Qalaj, tha se vdekja e policit të tij në krye të detyrës ka motivuar

Policinë të luftoj krimin në Kosovë.

“Zyrtari policor ka mund të kishte rënë dëshmor në lufë por jo ai ra dëshmor në kohën e lirisë. Po ndahemi nga një mik i gatshëm që t’i shërbejë atdheut të tij, nga një person që dha kontribut të madh. Rasti i tij shfaq sakrificën për paqe e siguri andaj sot kemi ardhur ta nderojmë punën e tij. Dëshira dhe ideali i tij do të qëndrojnë gjithmonë Ne kemi edhe më shumë motivim për ta padandaluar dhe luftuar me sukses krimin”, tha Qalaj.

Në varrimin e Demajt foli edhe vajza e tij. 

Ajo falënderoi të gjithë për nderimin e familjes ndërsa kushtoi disa fjalë për babain e saj. 

“Ne do të rritemi me dashurinë për ty dhe me shpresën që Kosova të bëhet ashtu siç dëshiroje ti”, ka thënë vajza e policit Demaj.