Bota

Qershori më i nxehtë ndonjëherë në Evropë

Muaji qershor i këtij viti, është karakterizuar nga një valë e jashtëzakonshme të nxehti në Evropën Perëndimore, ka qenë muaji qershor më i nxehtë i regjistruar ndonjëherë.

Sipas të dhënave, termometri në muajin qershor ka treguar 0,1 gradë Celsius më shumë se sa në rekordin e mëparshëm (qershor 2016), por më shumë këtë të nxehtë e ka vuajtur Evropa, ku temperaturat kanë qenë mesatarisht 2 gradë Celsius mbi normën, përcjell albinfo.ch.

Muaji qershor gjithashtu ishte më i nxehti në Francë apo edhe në Gjermani.

Shumë rekorde u thyen javën e fundit në shumë vende evropiane të mbytura nga i nxehti për shkak të një ajri të ngrohtë të ardhur nga Saharaja.

Temperaturat kanë kaluar normat me 10 gradë Celsius në Gjermani, veri të Spanjës, Itali dhe Francë, ku u arrit të premten rekordi absolut prej 45,9 gradë Celsius.