Kosova
Qeveria e Kosovës kufizon fitimet e naftëtarëve, vendos tavanin e fitimit
Sipas Qeverisë ky vendim vjen pasi ka mospërputhje të çmimeve në Kosovë me lëvizjet në tregjet botërore
Rritjeve enorme të çmimit global të naftës, Qeveria e Kosovës i është përgjigjur me një vendim përmes së cilit parasheh marzhën e fitimit të maftëtarëve, një përpjekje kjo për të parandaluar abuzimet me çmimet e naftës dhe derivative të saj.
Përmes një udhëzimi administrativ për Rregullimin e Çmimeve të Produkteve të Naftës dhe Karburanteve të Ripërtëritshme dhe Masat e tjera Mbrojtëse, parashihet rregullimi i çmimeve dhe masave të tjera mbrojtëse për të mbrojtur konsumatorin, për të mbrojtur konkurrencën si dhe për të mënjanuar çrregullimet në treg ose për qëllime të tjera të interesit shtetëror, raporton Albinfo.ch.
Në udhëzimin e miratuar nga Qeveria, thuhet se do të vendoset rregullimi i çmimeve, duke caktuar maksimumin e marzhës tregtare, dy centë për litër të produktit të shitur me shumicë, ndërsa 12 centë për litër të produktit të shitur me pakicë.
Sipas ministers së Industrisë, Ndërmarrësisë dhe Tregtisë, Rozeta Hajdari, kjo po bëhet për shkak të mbrojtjes së konsumatorit dhe për të rregulluar konkurrencën.
“Udhëzimi administrativ bëhet me qëllim që të mbrohet konsumatori dhe konkurrenca për të mënjanuar çrregullimet në treg. Në bazë të të dhënave që posedon MINT-i, të konfirmuara me evidencë nga bizneset nga Dogana dhe ATK-ja, ka mospërshtatje të çmimeve vendore krahasuar me lëvizjet në tregun botëror”, tha Hajdari duke shtuar se ka mospërputhje të çmimeve në Kosovë me lëvizjet në tregjet botërore. Për këtë ka thënë se do të caktohet menjëherë çmimi maksimal i lejuar.
Aktualisht një litër naftë në Kosovë shitet për rreth 1.9 euro.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor