Maqedonia

Qeveria maqedonase, 37 mijë euro për pjata, pirunë e thika

Kryeministri i ri në Qeveri do të pritet me aksesorë të reja për ushqim, gjegjësisht me enë të reja. Shërbimi për punë të përgjithshme po e rinovon kuzhinën qeveritare. Përskaj teknikës së bardhë, ai po blen dhe aksesorë për ushqim, me kualitet më të lartë, porcelan, inoks dhe kristal.

Marrëveshjen në vlerë prej 37 mijë eurosh e kanë fituar tri firma, “Eurefi Inzhenering”, “DL Konkord” dhe “Didaks”, të gjitha nga Shkupi.

Të gjithë duhet të dorëzojnë në Qeveri teknikë të bardhë me kualitet të lartë, zgarë elektrike dhe me gaz, vitrina, frigorifer nga inoksi, frigorifer për ushqim, pajisje për hekurosje, fshesë elektrike, makinë për paketimin e ushqimit, por më tepër edhe pajisje dhe aksesoarë për kuzhinën e Qeverisë, shkruajnë mediat maqedonase, përcjell albinfo.ch.


LAJME INTERESANTE NGA INTERNETI