Qeveria tërheq platformën për dialog nga Kuvendi

Ministri i Punës dhe Mirëqenies Sociale, Skënder Reçica tha se kjo po bëhet deri në arritjen e një konsensusi mes partive politike

dpa/AFP/Archiv / dpa

Qeveria e Kosovës ka tërhequr nga Kuvendi i Kosovës projekt-platformën për finalizimin e dialogut Kosovë-Serbi. Në emër të kryeministrit, tërheqjen e ka bërë ministri i Punës dhe Mirëqenies Sociale, Skënder Reçica. Ai tha se kjo po bëhet deri në arritjen e një konsensusi mes partive politike.

Nënkryetari Xhavit Haliti tha se është e drejtë e Qeverisë të tërheqë kurdo çështjet që i kanë ngritur vetë, porse ata ishin përgatitur për të diskutuar për këtë çështje.

Ndërkohë, LDK-ja dhe Vetëvendosje kanë kërkuar që të shtyhen interpelancat e kryeministrit, meqë ai nuk mund të jetë deri të premten para deputetëve në Kuvend. Ndërsa, me kërkesë të Listës serbe, është hequr nga rendi i ditës Projektligji për liritë fetare.